# Hymnus tabaci 62

Raphael Thorius, Hymnus tabaci, IN EIVSDEM. Latin.

Canonical: https://interlinea.aeterna-institute.org/library/latin/raphael-thorius/hymnus-tabaci/62
JSON: https://interlinea.aeterna-institute.org/api/v1/library/latin/raphael-thorius/hymnus-tabaci/62

Et fluitante anima capitales arceat ictus.
Nil sincerum homini fundit Natura: voluptas
Et metus una habitant: sunt qui corpuscula curant;
Expediunt animas alij poscentibus undis,
Sanguinis aut avidis per vulnera cruda propinant.
Pace Britannus ovat genioque illustrat alutam;
Gallia flet, patrios Aquitanus inebriat enses.
Nunc silet aura omnis, ventis modo tecta ruebant.
Somnum adeunt inopes chordis vocalibus. at vos
Ite domum saturi, nec frigida strata timete,
Vos, quibus intepuit viva sartagine lectus.
FINIS.

---

Raphael Thorius, Hymnus tabaci. Text: NOSCEMUS Digital Sourcebook (Universität Innsbruck), CC BY 4.0. Changes: page furniture removed and the text divided into reading sections by Interlinea.
License: CC BY 4.0 (https://creativecommons.org/licenses/by/4.0/). Source: https://wiki.uibk.ac.at/noscemus/Hymnus_tabaci.
