# Rutilius Namatianus de Reditu Suo 1.58-68

Rutilius Namatianus, Rutilius Namatianus de Reditu Suo, Lines 1.58-1.68. Latin.

Canonical: https://interlinea.aeterna-institute.org/library/latin/rutilius-namatianus/rutilius-namatianus-de-reditu-suo/1.58

consumat Stygias tristior umbra faces;
hic immortalem, mortalem perculit ille,
hic mundi matrem perculit, ille suam.
Sed diverticulo fuimus fortasse loquaces:
Carmine propositum iam repetamus iter.
Advehimur celeri candentia moenia lapsu;
nominis est auctor sole corusca soror.
Indigenis superat ridentia lilia saxis
et levi radiat picta nitore silex;
dives marmoribus telus, quae luce coloris
provocat intactas luxuriosa nives.

---

Rutilius Namatianus, RUTILIUS NAMATIANUS DE REDITU SUO. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/rutilius.html.