Latin · ~2 min
Book 6, Chapter 9
Seneca the Younger (Dialogues), stoa007 6.9.5
Not analysed yet
Quicquam tu putas non futurum, quod scis posse fieri, quod multis vides evenisse ? Egregium versum et dignum qui non e pulpito exiret : Cuivis potest accidere quod cuiquam potest! Ille amisit liberos; et tu amittere potes. Ille damnatus est ; et tua innocentia sub ictu est. Error decipit hic, effeminat, dum patimur quae numquam pati nos posse providimus. Aufert vim praesentibus malis qui futura prospexit.