Book 5, Chapter 19

Tu autem non vis patri, sed filio dare, et interim ne nosti quidem patrem. Itaque cum dixeris: 'Patri ergo beneficium non dedi filium eius servando ? 'contra oppone : 'Patri ergo beneficium dedi, quem non novi, quem non cogitavi ? 'Et quid quod aliquando eveniet, ut patrem oderis, filium serves ? Beneficium ei videberis dedisse, cui tunc inimicissimus eras, cum dares ? "