Book 5, Chapter 8

Ut in orbe ac pila nihil imum est, nihil summum, nihil extremum, nihil primum, quia motu ordo mutatur et quae sequebantur praecedunt et quae occidebant oriuntur, omnia, quomodocumque ierunt, in idem revertuntur, ita in homine existima fieri ; cum illum in multa mutaveris, unus est. Cecidit se :iniuriarum cum quo agat, non habet ; adligavit et clusit :de vi non tenetur ; beneficium sibi dedit :danti protinus reddidit.