Latin · ~1 min
Lines 5.672-5.678
Silius Italicus, Punica 5.672-678
Not analysed yet
hos, en, hos obitus nostrae spectate cohortes!
fronte minae durant, et stant in uultibus irae.
et uereor, ne, quae tanta creat indole tellus
magnanimos fecunda uiros, huic fata dicarint
imperium, atque ipsis deuincat cladibus orbem.’
Sic fatus cessit nocti; finemque dedere
caedibus infusae subducto sole tenebrae.