# Argumenta Thebaidos 10

Statius, Argumenta Thebaidos, Poem 10. Latin.

Canonical: https://interlinea.aeterna-institute.org/library/latin/statius/argumenta-thebaidos/10
JSON: https://interlinea.aeterna-institute.org/api/v1/library/latin/statius/argumenta-thebaidos/10

Quattuor afflictis ducibus fiducia belli
Sidoniis crescit Graiorum obsidere castra.
Tunc Iuno mittit quae Somnum concitet, Irim.
Thebanis subito soluuntur membra sopore.
Thiodamas stimulat nocturna in proelia Graios,
Fata docens iugulantque iacentia corpora ferro.
Decipit incautos pietas Hopleum atque Dymanta,
Oenidae exanimis laeti dum membra reportant.
Pandere Tiresian compellunt debita Thebis.
Tunc patriae uitam largitur sponte Menoeceus.
Mox Capaneus scalis conscendit moenia saeuus,
Fulmine percussus turrim complectitur ardens.

---

Statius, Argumenta Thebaidos. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://www.mqdq.it/testo/testo/codice/STAT%7Cargu%7C002.
