# Argumenta Thebaidos 11

Statius, Argumenta Thebaidos, Poem 11. Latin.

Canonical: https://interlinea.aeterna-institute.org/library/latin/statius/argumenta-thebaidos/11
JSON: https://interlinea.aeterna-institute.org/api/v1/library/latin/statius/argumenta-thebaidos/11

Tunc Capanei ardentis Danaos incendia terrent:
Castra petunt miseri. Eumenis impar tempore belli
Tisiphone gentis geminae exsaturata cruore
Germanae auxilium poscit, fratresque nocentes
Diuersis agitant stimulis. Tunc omina dira
Horrescit Tyrius ductor. Mox Aepytus auctor
Armatum fratrem pulsantem cuspide portas
Nuntiat; ille celer gaudens rapit impius arma
Nec matris lacrimae reuocant nec uerba sororis.
Postquam sacrilegis telis confusus uterque est,
Deflerit Pietas fratrum miserata ruinam.
Oedipoden Creon(==CRE+ON) Thebanis moenibus arcet.

---

Statius, Argumenta Thebaidos. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://www.mqdq.it/testo/testo/codice/STAT%7Cargu%7C002.
