Latin · ~1 min · Dactylic hexameter
Lines 11.753-11.761
Statius, Thebais 11.753-761
Not analysed yet
atque haec ecce tuis tellus habitabilis umbris,
qua bellum geminaeque iacent in sanguine gentes.’
sic ait, et ficto comitum volgique gementis
adsensu limen tumidus regale petebat.
Interea pulsi vallum exitiale Pelasgi
destituunt furto; nulli sua signa suusque
ductor: eunt taciti passim et pro funere pulchro
dedecorem amplexi vitam reditusque pudendos.
nox favet et grata profugos amplectitur umbra.