# Sententiae, appendix 381-390

Syrus, Sententiae, appendix, Lines 381-390. Latin.

Canonical: https://interlinea.aeterna-institute.org/library/latin/syrus/sententiae-appendix/381
JSON: https://interlinea.aeterna-institute.org/api/v1/library/latin/syrus/sententiae-appendix/381

Vtrumque uitium est nulli et credere omnibus.
+ Velox consilium sequitur paenitentia.
Venia, non clementia poenae est debitae remissio.
Verbosa lingua est argumentum malitiae.
Vile nil decet sonare maximorum in laudibus.
Virtutem acerrimam extundit necessitas.
Virtutis nunquam mollis est probatio.
Vitae pessima est iactura, quae fit neglegentia.
Viuit nemo hominum tam pauper quam natus est.
Voluptas modica laxat animum et temperat.

---

Syrus, Sententiae, appendix. Text: Musisque Deoque, CC BY-SA 4.0. Changes: markup removed and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://www.mqdq.it/testo/testo/codice/PVBLIL%7Cappe%7C001.
