Latin · ~2 min
Act 5
Terence, Adelphi 5.1
Not analysed yet
Edepol, Syrisce, te curasti molliter,
Lauteque munus administrasti tuum.
Abi. Sed postquam intus sum omnium rerum satur,
Prodeambulare huc libitum est.
Illud sis vide
Exemplum disciplinae.
Ecce autem hic adest
Senex noster. Quid fit? quid tu es tristis?
Oh scelus.
Ohe, iam tu verba fundis hic, sapientia?
Tu si meus esses—
dis quidem esses, Demea,
Ac tuam rem constabilisses.
exemplum omnibus
Curarem ut esses.
Quamobrem? quid feci?
Rogas?
In ipsa turba, atque in peccato maximo,
Quod vix sedatum satis est, potasti scelus,
Quasi re bene gesta.
Sane nollem huc exitum.