# Andria 2.4

Terence, Andria, Act 2. Latin.

Canonical: https://interlinea.aeterna-institute.org/library/latin/terence/andria/2.4

Reviso quid agant aut quid captent consili.
Hic nunc non dubitat quin te ducturum neges.
Venit meditatus alicunde ex solo loco:
Orationem sperat invenisse se
Qui differat te: proin tu fac apud te ut sies.
Modo ut possim Dave.
Crede inquam hoc mihi Pamphile,
Numquam hodie tecum commutaturum patrem
Unum esse verbum si te dices ducere.

---

Terence, Andria, ed. Edward St. John Parry. Text: the Perseus Digital Library, canonical-latinLit, CC BY-SA 4.0. Changes: apostrophes normalised and the text divided into reading sections by Interlinea.
License: CC BY-SA 4.0 (https://creativecommons.org/licenses/by-sa/4.0/). Source: https://github.com/PerseusDL/canonical-latinLit/blob/master/data/phi0134/phi001/phi0134.phi001.perseus-lat2.xml.