Latin · ~2 min
Act 5
Terence, Andria 5.5
Not analysed yet
Proviso quid agat Pamphilus; atque eccum.
Aliquis forsan me putet
Non putare hoc verum: at mihi nunc sic esse hoc verum libet.
Ego Deorum vitam propterea sempiternam esse arbitror
Quod voluptates eorum propriae sunt; nam mihi immortalitas
Parta est, si nulla aegritudo huic gaudio intercesserit.
Sed quem ego mihi potissimum optem nunc cui haec narrem dari?
Quid illud gaudi est?
Davum video: nemo est quem mallem omnium;
Nam hunc scio mea solide solum gavisurum gaudia.