Latin
Book 6, lines 6.1.89-6.1.100
Theodosian Code, Theodosii Imperatoris Codex 6.1.89-100
Not analysed yet
CTh. 6. 4. 3
Imp. constantius a. ad mecilium hilarianum praefectum praetorio. post alia: praetores et quibus inminet iudicandi necessitas modo ruris adscripta ne parvo quidem tempore copiam sortiantur abeundi ex urbe: qui aliter fecerit, multae obnoxius sit, quae iam pridem divo principi placuit, et perscriptam omnem summam mox inferre cogatur. dat. viii . . . april. constantio ii et constante aa. conss. (339 mart. apr.) .
CTh. 6. 4. 4
Idem a. ad mecilium hilarianum praefectum praetorio. omnes clarissimi, qui per dioecesim sublimitatis tuae degunt, nostri auctoritate praecepti ad urbem romam venire cum impensis, quas ludi scaenicorum vel circensium vel muneris ratio poscit, cogantur. et cetera. dat. iiii kal. iul. constantio ii a. et constante conss. (339 iun. 28).
CTh. 6. 4. 5
Idem a. ad senatum. primae praeturae, quae flaviali nuncupatione signatur, viginti et quinque milium follium et quinquaginta librarum argenti erogationem sumptusque praescripsimus. in secunda vero constantiniana viginti milia follium et quadraginta libras argenti largiendas esse censemus. tertia triumphalis quindecim milia follium ac triginta argenti libras sine inconmodo editoris expendat. dat. v id. sept. antiochiae post cons. constantii ii et constantis. (340 sept. 9).
CTh. 6. 4. 6
Idem a. ad senatum. pro eo, quem absentem tempus editionis invenerit, erogationem debitam fiscus expendat, post adventum cuncta, quae praerogata fuerint, soluturo. dat. v id. sept. antiochiae post cons. d. n. constanti ii et constantis. (340 sept. 9).
CTh. 6. 4. 7
Idem a. ad orfitum praefectum urbi. litteris ad hilarianum praefectum praetorio destinatis praecepimus senatores ad urbem romam venire compelli, ut muneribus iniunctis operam possint praestare sollemnem et professionem edere compellantur; eos autem editores, qui tempore praestituto praesentes esse neglexerint, iuxta leges venerabiles divi constantini quinquagena milia modiorum tritici urbis romae horreis inferre compelli. dat. prid. id. mart. constantio a. vi et constantio caes. ii conss. (353 [354] mart. 14).
CTh. 6. 4. 8
Idem a. ad senatum. hac lege sancimus arbitrio vestro nominationes solitas fieri usurpatione iudicum cessante. dat. iii id. april. mediolano, lecta ab araxio proconsule die vi id. mai. constantio a. viii et iuliano caes. i conss. (356 apr. 11).