urn:cts:latinLit:phi1056.phi001.perseus-lat2, Book 9, Chapter 4

Namque septentrio, quem Graeci nominant ἄρκτον sive ἑλίκην ,habet post se conlocatum custodem. ab eo non longe conformata est virgo, cuius supra umerum dextrum lucidissima stella nititur, quam nostri provindemiatorem, Graeci προτρυγητήν vocant; candens autem magis spica eius est colorata. item alia contra est stella media genuorum custodis arcti: qui arcturus dicitur est ibi dedicatus.