# Carmina 5.1.114-135

Walter of Châtillon, Carmina, Carmen V, lines 5.1.114-5.1.135. Latin.

Canonical: https://interlinea.aeterna-institute.org/library/latin/walter-of-chatillon/carmina/5.1.114

Fulmarum largificat nobilis propago,
si genus arguitur vultu, nisi fallit ymago.
XXIV
Ergo manu dapsili fulgurans, Fulmare,
ne permittas peditem me repatriare
. . . . . . . . . . . . . . . . . . . . . . . . .
magnus eris, si me bipedem scis quadrupedare.
XXV
Divites in facinus omnes dissoluti
tanquam idem reputant uti vel abuti;
hii sunt, quorum intima non respondent cuti,
nam semper agitant nunc de virtute locuti.
XXVI
Cum se locus obtulit, ut ocultis vacent,
tractant de Taydibus, de Sabinis tacent;
cum latenter hic vel haec vel haec et hic jacent,
carnis ad officium carnea membra placent.
XXVII
De futura divitum gloria diffido,
quos ad mortem vulnerat hic et haec cupido;
in secreto lusitant Aeneas et Dido,
irruit in vetitum dampni secura libido.

---

Walter of Châtillon, CARMINA. Text: The Latin Library (thelatinlibrary.com), used with permission. Changes: HTML markup removed and the text divided into reading sections by Interlinea.
License: Used with permission (https://www.thelatinlibrary.com/about.html). Source: https://www.thelatinlibrary.com/walter.html.