114. Δειλὸς κυνηγὸς καὶ Δρυοτόμος. (C. 175. F.267. B. 92.)

Λέοντός τινος ἴχνη ἐζήτει κυνηγός· δρυοτόμον δὲ ἐρωτήσας, εἰ εἶδεν ἴχνη λέοντος, καὶ ποῦ κοιτάζει, ἔφη· ,,καὶ αὐτὸν τὸν λέοντα ἤδη σοι δείξω. “Ὁ δὲ ὠχριάσας ἐκ τοῦ φόβου, καὶ τούς ὀδόντας συγκρούων εἶπεν· ,,ἴχνη μόνα ζητῶ, οὐχὶ αὐτὸν τὸν λέοντα. “Ὅτι τούς θρασεῖς καὶ δειλούς ὁ λόγος ἐλέγχει, τούς τολμηροὺς ἐν τοῖς λόγοις μόνοις καὶ οὐκ ἐν τοῖς ἔργοις.