Ancient Greek · ~2 min
Book 6
ANTHOLOGIA GRAECA, Ἀνθολογία, Volume V 6.285
Not analysed yet
ἡ πρὶν Ἀθηναίης ὑπὸ κερκίσι καὶ τὰ καθʼ ἱστῶν
νήματα Νικαρέτη πολλὰ μιτωσαμένη,
Κύπριδι τὸν κάλαθον τά τε πηνία καὶ τὰ σὺν αὐτοῖς
ἄρμενʼ ἐπὶ προδόμου πάντα πυρῆς ἔθετο,
ἔρρετε, φωνήσασα, “κακῶν λιμηρὰ γυναικῶν
ἔργα, νέον τήκειν ἄνθος ἐπιστάμενα.”
εἵλετο δὲ στεφάνους καὶ πηκτίδα καὶ μετὰ κώμων
ἡ παῖς τερπνὸν ἔχειν ἐν θαλίαις βίοτον
εἶπε δέ· “παντός σοι δεκάτην ἀπὸ λήμματος οἴσω,
Κύπρι σὺ δʼ ἐργασίην καὶ λάβε καὶ μετάδος.”