Ancient Greek · ~4 min
Lyric-Scene 12
Aristophanes, Θεσμοφοριάζουσαι 12.3
Not analysed yet
ὦ νὺξ ἱερὰ
ὡς μακρὸν ἵππευμα διώκεις
ἀστεροειδέα νῶτα διφρεύουσʼ
αἰθέρος ἱερᾶς
τοῦ σεμνοτάτου διʼ Ὀλύμπου;
διʼ Ὀλύμπου.
τί ποτʼ Ἀνδρομέδα περίαλλα κακῶν
μέρος ἐξέλαχον—
μέρος ἐξέλαχον—
θανάτου τλήμων;
θανάτου τλήμων;
ἀπολεῖς μʼ ὦ γραῦ στωμυλλομένη.
στωμυλλομένη.
νὴ Δίʼ ὀχληρά γʼ εἰσήρρηκας
λίαν.
λίαν.
ὦγάθʼ ἔασόν με μονῳδῆσαι,
καὶ χαριεῖ μοι. παῦσαι.
παῦσαι.
βάλλʼ ἐς κόρακας.
βάλλʼ ἐς κόρακας.
τί κακόν;
τί κακόν;
ληρεῖς.
ληρεῖς.
οἴμωζʼ.
οἴμωζʼ.
ὀτότυζʼ.
ὀτότυζʼ.
οὖτος σί λαλῖς;
οὖτος σί λαλῖς;
πρυτάνεις καλέσω;
πρυτάνεις καλέσω;
σί κακόν;
σί κακόν;
πῶτε τὸ πωνή;
πῶτε τὸ πωνή;
σὺ λαλῖς;
σὺ λαλῖς;
κλαύσει.
κλαύσει.
κακκάσκι μοι;
κακκάσκι μοι;
μὰ Δίʼ ἀλλὰ γυνὴ πλησίον αὕτη.
πλησίον αὕτη.
ποῦ στʼ ηʼ μιαρά; καὶ δὴ πεύγει.
ποῖ ποῖ πεύγεις;
ποῖ ποῖ πεύγεις;
οὐ καιρήσεις;
οὐ καιρήσεις;
ἔτι γὰρ γρύζεις;
ἔτι γὰρ γρύζεις;
λαβὲ τὴ μιαρά.
λαβὲ τὴ μιαρά.
λάλο καὶ κατάρατο γύναικο.