Ancient Greek · ~2 min
Parodos 2
Aristophanes, Σφῆκες 2.2
Not analysed yet
ἐθελήσεις τί μοι οὖν ὦ
πάτερ, ἤν σού τι δεηθῶ;
πάνυ γʼ ὦ παιδίον. ἀλλʼ εἰπέ,
τί βούλει με πρίασθαι
καλόν; οἶμαι δέ σʼ ἐρεῖν ἀστραγάλους
δήπουθεν ὦ παῖ.
μὰ Δίʼ ἀλλʼ ἰσχάδας ὦ παππία·
ἥδιον γάρ.
οὐκ ἂν
μὰ Δίʼ, εἰ κρέμαισθέ γʼ ὑμεῖς.
μὰ Δίʼ οὔ τἄρα προπέμψω σε τὸ λοιπόν.
ἀπὸ γὰρ τοῦδέ με τοῦ μισθαρίου
τρίτον αὐτὸν ἔχειν ἄλφιτα δεῖ καὶ ξύλα κὤψον·
ἒ ἔ. σὺ δὲ σῦκά μʼ αἰτεῖς.