Ancient Greek · ~2 min
Exodus 2
Aristophanes, Ἐκκλησιάζουσαι 2.2
Not analysed yet
ὅρα δʼ ὅπως ὠθήσομεν τούσδε τοὺς ἐξ ἄστεως
ἥκοντας, ὅσοι πρὸ τοῦ
μέν, ἡνίκʼ ἔδει λαβεῖν
ἐλθόντʼ ὀβολὸν μόνον,
καθῆντο λαλοῦντες
ἐν τοῖς στεφανώμασιν,
νυνὶ δʼ ἐνοχλοῦσʼ ἄγαν.
ἀλλʼ οὐχί, Μυρωνίδης
ὅτʼ ἦρχεν ὁ γεννάδας,
οὐδεὶς ἂν ἐτόλμα
τὰ τῆς πόλεως διοικεῖν
ἀργύριον φέρων·
ἀλλʼ ἧκεν ἕκαστος
ἐν ἀσκιδίῳ φέρων
πιεῖν ἅμα τʼ ἄρτον αὑτῷ
καὶ δύο κρομμύω
καὶ τρεῖς ἂν ἐλάας.
νυνὶ δὲ τριώβολον
ζητοῦσι λαβεῖν, ὅταν
πράττωσί τι κοινὸν ὥσ-
περ πηλοφοροῦντες.