Ancient Greek · ~3 min
Episode 7, lines 7.861-7.876
Aristophanes, Ἐκκλησιάζουσαι 7.861-876
Not analysed yet
τὰ δυνατὰ γὰρ δεῖ τῇ πόλει ξυλλαμβάνειν
τοὺς εὖ φρονοῦντας.
ἢν δὲ κωλύσωσι, τί;
ὁμόσʼ εἶμι κύψας.
ἢν δὲ μαστιγῶσι, τί;
καλούμεθʼ αὐτάς.
ἢν δὲ καταγελῶσι, τί;
ἐπὶ ταῖς θύραις ἑστώς—
τί δράσεις; εἰπέ μοι.
τῶν ἐσφερόντων ἁρπάσομαι τὰ σιτία.
βάδιζε τοίνυν ὕστερος· σὺ δʼ ὦ Σίκων
καὶ Παρμένων αἴρεσθε τὴν παμπησίαν.
φέρε νυν ἐγώ σοι ξυμφέρω.
μὴ μηδαμῶς.
δέδοικα γὰρ μὴ καὶ παρὰ τῇ στρατηγίδι,
ὅταν κατατιθῶ, προσποιῇ τῶν χρημάτων.
νὴ τὸν Δία δεῖ γοῦν μηχανήματός τινος,
ὅπως τὰ μὲν ὄντα χρήμαθʼ ἕξω, τοισδεδὶ
τῶν ματτομένων κοινῇ μεθέξω πως ἐγώ.
ὀρθῶς ἔμοιγε φαίνεται· βαδιστέον
ὁμόσʼ ἐστὶ δειπνήσοντα κοὐ μελλητέον.