Ancient Greek · ~2 min
Choral 11
Aristophanes, Λυσιστράτη 11.1
Not analysed yet
οὐ παρασκευαζόμεσθα
τῶν πολιτῶν οὐδένʼ ὦνδρες
φλαῦρον εἰπεῖν οὐδὲ ἕν.
ἀλλὰ πολὺ τοὔμπαλιν πάντʼ ἀγαθὰ καὶ λέγειν
καὶ δρᾶν· ἱκανὰ γὰρ τὰ κακὰ καὶ τὰ παρακείμενα.
ἀλλʼ ἐπαγγελλέτω πᾶς ἀνὴρ καὶ γυνή,
εἴ τις ἀργυρίδιον δεῖται
λαβεῖν μνᾶς ἢ δύʼ ἢ τρεῖς,
ὡς †πόλλʼ ἔσω ʼστὶν†
κἄχομεν βαλλάντια.
κἄν ποτʼ εἰρήνη φανῇ,
ὅστις ἂν νυνὶ δανείσηται
παρʼ ἡμῶν,
ἃν λάβῃ μηκέτʼ ἀποδῷ.