Ancient Greek
Choral 11
Aristophanes, Λυσιστράτη 11.3-2
Not analysed yet
εἰ δέ τῳ μὴ σῖτος ὑμῶν
ἔστι, βόσκει δʼ οἰκέτας καὶ
σμικρὰ πολλὰ παιδία,
ἔστι παρʼ ἐμοῦ λαβεῖν πυρίδια λεπτὰ μέν,
ὁ δʼ ἄρτος ἀπὸ χοίνικος ἰδεῖν μάλα νεανίας.
ὅστις οὖν βούλεται τῶν πενήτων ἴτω
εἰς ἐμοῦ σάκκους ἔχων καὶ
κωρύκους, ὡς λήψεται πυ-
ρούς· ὁ Μανῆς δʼ
οὑμὸς αὐτοῖς ἐμβαλεῖ.
πρός γε μέντοι τὴν θύραν
προαγορεύω μὴ βαδίζειν
τὴν ἐμήν, ἀλλʼ
εὐλαβεῖσθαι τὴν κύνα.