Ancient Greek · ~2 min
Lyric-Scene 8
Aristophanes, Λυσιστράτη 8.2
Not analysed yet
κἀγὼ βούλομαι μῦθόν τινʼ ὑμῖν ἀντιλέξαι
τῷ Μελανίωνι.
Τίμων ἦν ἀίδρυτός τις ἀβάτοισιν
ἐν σκώλοισι τὸ πρόσωπον περιειργμένος,
Ἐρινύων ἀπορρώξ.
οὗτος οὖν ὁ Τίμων
ᾤχεθʼ ὑπὸ μίσους
πολλὰ καταρασάμενος ἀνδράσι πονηροῖς.
οὕτω ʼκεῖνος ὑμῶν ἀντεμίσει
τοὺς πονηροὺς ἄνδρας ἀεί,
ταῖσι δὲ γυναιξὶν ἦν φίλτατος.
τὴν γνάθον βούλει θένω;
μηδαμῶς· †ἔδεισά γε. †
ἀλλὰ κρούσω τῷ σκέλει;
τὸν σάκανδρον ἐκφανεῖς.
ἀλλʼ ὅμως ἂν οὐκ ἴδοις
καίπερ οὔσης γραὸς ὄντʼ αὐτὸν
κομήτην, ἀλλʼ ἀπεψιλωμένον
τῷ λύχνῳ.