Ancient Greek · ~2 min
Choral 11
Aristophanes, Νεφέλαι 11
Not analysed yet
οἷον τὸ πραγμάτων ἐρᾶν φλαύρων· ὁ γὰρ
γέρων ὅδʼ ἐρασθεὶς
ἀποστερῆσαι βούλεται
τὰ χρήμαθʼ ἁδανείσατο·
κοὐκ ἔσθʼ ὅπως οὐ τήμερον
λήψεταί τι πρᾶγμʼ, ὃ τοῦτον
ποιήσει τὸν σοφιστὴν
ἀνθʼ ὧν πανουργεῖν ἤρξατʼ, ἐξαίφνης λαβεῖν κακόν τι.
οἶμαι γὰρ αὐτὸν αὐτίχʼ εὑρήσειν ὅπερ
πάλαι ποτʼ †ἐπεζήτει†
εἶναι τὸν υἱὸν δεινόν οἱ
γνώμας ἐναντίας λέγειν
τοῖσιν δικαίοις, ὥστε νικᾶν
ἅπαντας οἷσπερ ἂν
ξυγγένηται, κἂν λέγῃ παμπόνηρʼ.
ἴσως δʼ ἴσως βουλήσεται κἄφωνον αὐτὸν εἶναι.