Ancient Greek · ~2 min
Episode 8, lines 8.1.823-8.1.835
Aristophanes, Ἀχαρνῆς 8.1.823-835
Not analysed yet
Δικαιόπολι Δικαιόπολι φαντάδδομαι.
ὑπὸ τοῦ; τίς ὁ φαίνων σʼ ἐστίν; ἁγορανόμοι,
τοὺς συκοφάντας οὐ θύραζʼ ἐξείρξετε;
τί δὴ μαθὼν φαίνεις ἄνευ θρυαλλίδος;
οὐ γὰρ φανῶ τοὺς πολεμίους;
κλάων γε σύ,
εἰ μὴ ʼτέρωσε συκοφαντήσεις τρέχων.
οἷον τὸ κακὸν ἐν ταῖς Ἀθάναις τοῦτʼ ἔνι.
θάρρει Μεγαρίκʼ· ἀλλʼ ἧς τὰ χοιρίδιʼ ἀπέδου
τιμῆς, λαβὲ ταυτὶ τὰ σκόροδα καὶ τοὺς ἅλας,
καὶ χαῖρε πόλλʼ.
ἀλλʼ ἁμὶν οὐκ ἐπιχώριον.
πολυπραγμοσύνη νυν ἐς κεφαλὴν τράποιτʼ ἐμοί.
ὦ χοιρίδια πειρῆσθε κἄνις τῶ πατρὸς
παίειν ἐφʼ ἁλὶ τὰν μᾶδδαν, αἴκα τις διδῷ.