Τοῦ αὐτοῦ ἀπολογία πρὸς τὸν βασιλέα Κωνστάντιον, Chapter 26

πῶς οὐκ ἄν τις εὐλόγως τὴν ἀμέλειαν τῶν λαῶν εἰς ἐμὲ μετήνεγκε; πῶς δὲ οὐκ ἂν ἐμέμψατο καὶ ἡ σὴ εὐσέβεια δικαίως λέγουσα· διὰ τί μετὰ γραμμάτων εἰσελθὼν χωρὶς γραμμάτων ἀναχωρεῖς καὶ κατέλειψας τοὺς λαούς; πῶς δὲ καὶ αὐτὸς ὁ λαὸς οὐκ ἂν εἰκότως ἐν ἡμέρᾳ κρίσεως τὴν ἑαυτῶν ἀμέλειαν ἔρριψαν εἰς ἐμὲ λέγοντες· ὁ ἐπισκεπτόμενος ἡμᾶς ἔφυγε καὶ ἠμελήθημεν οὐκ ὄντος τοῦ ὑπομιμνήσκοντος;