Τοῦ αὐτοῦ ἀπολογία πρὸς τὸν βασιλέα Κωνστάντιον, Chapter 30

οἱ μὲν κόλακες ἐβόων καὶ ἐκρότουν, ὥστε ἐξεπλήττοντο οὓς ἔτι γρύζειν εἰκὸς ὑπὸ ὀδόντα, οἱ δὲ πλεῖστοι τῶν ἀφελεστέρων πρὸς τὸ τούτων ἔζων σύνθημα, τὰ δὲ πράγματα κατὰ ῥοῦν ἐφέρετο ὥσπερ ἐν κατακλυσμῷ πάντων ἄρδην ὀλιγωρουμένων. ἡγεῖτο δὲ ἀνὴρ τοῦ πλήθους –πῶς ἂν ἀληθέστερον αὐτὸ εἴποιμι; –οὐδὲν τῶν βαναύσων διαφέρων τοῦτο μόνον τῇ πόλει συναράμενος, τὸ μὴ κατὰ βαράθρων ὦσαι τοὺς ἐν αὐτῇ.