Ancient Greek · ~2 min
Fragment 779
Euripides, Fragmenta 779
Not analysed yet
ἔλα δὲ μήτε Λιβυκὸν αἰθέρ’ εἰσβαλών·
κρᾶσιν γὰρ ὑγρὰν οὐκ ἔχων, ἁψῖδα σὴν
κάτω διήσει . . . . . . .
ἵει δ’ ἐφ’ ἑπτὰ πλειάδων ἔχων δρόμον. . . .
τοσαῦτ’ ἀκούσας παῖς ἔμαρψεν ἡνίας·
κρούσας δὲ πλευρὰ πτεροφόρων ὀχημάτων
μεθῆκεν, αἳ δ’ ἔπταντ’ ἐπ’ αἰθέρος πτυχάς.
πατὴρ δ’ ὄπισθε νῶτα σειραίου βεβὼς
ἵππευε παῖδα νουθετῶν· ἐκεῖσ’ ἔλα,
τῇδε στρέφ’ ἅρμα, τῇδε.