Ancient Greek · ~2 min
Choral 4
Euripides, Ἰφιγένεια ἐν Αὐλίδι 4.1-2
Not analysed yet
—διάφοροι δὲ φύσεις βροτῶν,
διάφοροι δὲ τρόποι· τὸ δʼ ὀρ-
θῶς ἐσθλὸν σαφὲς αἰεί·
τροφαί θʼ αἱ παιδευόμεναι
μέγα φέρουσʼ ἐς τὰν ἀρετάν·
τό τε γὰρ αἰδεῖσθαι σοφία,
τάν τʼ ἐξαλλάσσουσαν ἔχει
χάριν ὑπὸ γνώμας ἐσορᾶν
τὸ δέον, ἔνθα δόξα φέρει
κλέος ἀγήρατον βιοτᾷ.
μέγα τι θηρεύειν ἀρετάν,
γυναιξὶ μὲν κατὰ Κύπριν
κρυπτάν, ἐν ἀνδράσι δʼ αὖ
κόσμος ἐνὼν ὁ μυριοπλη-
θὴς μείζω πόλιν αὔξει.