Ancient Greek · ~1 min
Choral 4
Euripides, Ἰφιγένεια ἐν Αὐλίδι 4.1
Not analysed yet
—μάκαρες οἳ μετρίας θεοῦ
μετά τε σωφροσύνας μετέ-
σχον λέκτρων Ἀφροδίτας,
γαλανείᾳ χρησάμενοι
μανιάδων οἴστρων, ὅθι δὴ
δίδυμʼ Ἔρως ὁ χρυσοκόμας
τόξʼ ἐντείνεται χαρίτων,
τὸ μὲν ἐπʼ εὐαίωνι πότμῳ,
τὸ δʼ ἐπὶ συγχύσει βιοτᾶς.
ἀπενέπω νιν ἁμετέρων,
Κύπρι καλλίστα, θαλάμων.
εἴη δέ μοι μετρία μὲν
χάρις, πόθοι δʼ ὅσιοι,
καὶ μετέχοιμι τᾶς Ἀφροδί-
τας, πολλὰν δʼ ἀποθείμαν.