Ancient Greek · ~2 min
Choral 10
Euripides, Ὀρέστης 10.1
Not analysed yet
Μυκηνίδες ὦ φίλαι,
τὰ πρῶτα κατὰ Πελασγὸν ἕδος Ἀργείων.
τίνα θροεῖς αὐδάν, πότνια; παραμένει
γὰρ ἔτι σοι τόδʼ ἐν Δαναϊδῶν πόλει.
στῆθʼ αἳ μὲν ὑμῶν τόνδʼ ἁμαξήρη τρίβον,
αἳ δʼ ἐνθάδʼ ἄλλον οἶμον ἐς φρουρὰν δόμων.
τί δέ με τόδε χρέος ἀπύεις;
ἔνεπέ μοι, φίλα.
φόβος ἔχει με μή τις ἐπὶ δώμασι
σταθεὶς ἐπὶ φοίνιον αἷμα
πήματα πήμασιν ἐξεύρῃ.
χωρεῖτʼ, ἐπειγώμεσθʼ· ἐγὼ μὲν οὖν τρίβον
τόνδʼ ἐκφυλάξω, τὸν πρὸς ἡλίου βολάς.
καὶ μὴν ἐγὼ τόνδʼ, ὃς πρὸς ἑσπέραν φέρει.
δόχμιά νυν κόρας διάφερʼ ὀμμάτων.
ἐκεῖθεν ἐνθάδʼ, εἶτα παλινσκοπιὰν
ἔχομεν, ὡς θροεῖς.