Ancient Greek · ~2 min
Choral 12
Euripides, Βάκχαι 12.1-2
Not analysed yet
Ἀσιάδες βάκχαι —
τί μʼ ὀροθύνεις, ὤ;
φέρομεν ἐξ ὀρέων
ἕλικα νεότομον ἐπὶ μέλαθρα,
μακάριον θήραν.
ὁρῶ καί σε δέξομαι σύγκωμον.
ἔμαρψα τόνδʼ ἄνευ βρόχων
λέοντος ἀγροτέρου νέον ἶνιν·
ὡς ὁρᾶν πάρα.
πόθεν ἐρημίας;
Κιθαιρὼν
Κιθαιρών;
κατεφόνευσέ νιν.
τίς ἁ βαλοῦσα;
πρῶτον ἐμὸν τὸ γέρας.
μάκαιρʼ Ἀγαύη κλῃζόμεθʼ ἐν θιάσοις.
τίς ἄλλα;
τὰ Κάδμου
τί Κάδμου;
γένεθλα
μετʼ ἐμὲ μετʼ ἐμὲ τοῦδʼ
ἔθιγε θηρός· εὐτυχής γʼ ἅδʼ ἄγρα.