Ancient Greek · ~2 min
Choral 12
Euripides, Βάκχαι 12.1-3
Not analysed yet
μέτεχέ νυν θοίνας.
τί; μετέχω, τλᾶμον;
νέος ὁ μόσχος ἄρ-
τι γένυν ὑπὸ κόρυθʼ ἁπαλότριχα
κατάκομον θάλλει.
πρέπει γʼ ὥστε θὴρ ἄγραυλος φόβῃ.
ὁ Βάκχιος κυναγέτας
σοφὸς σοφῶς ἀνέπηλʼ ἐπὶ θῆρα
τόνδε μαινάδας.
ὁ γὰρ ἄναξ ἀγρεύς.
ἐπαινεῖς;
ἐπαινῶ.
τάχα δὲ Καδμεῖοι
καὶ παῖς γε Πενθεὺς
ματέρʼ ἐπαινέσεται,
λαβοῦσαν ἄγραν τάνδε λεοντοφυῆ.
περισσάν.
περισσῶς.
ἀγάλλῃ;
γέγηθα,
μεγάλα μεγάλα καὶ
φανερὰ τᾷδʼ ἄγρᾳ κατειργασμένα.