Ancient Greek · ~2 min
Choral 10
Euripides, Ἠλέκτρα 10.1-2
Not analysed yet
ἰὼ Γᾶ καὶ Ζεῦ πανδερκέτα
βροτῶν, ἴδετε τάδʼ ἔργα φόνι-
α μυσαρά, δίγονα σώματʼ ἐν
χθονὶ κείμενα πλαγᾷ
χερὸς ὑπʼ ἐμᾶς, ἄποινʼ ἐμῶν
πημάτων
δακρύτʼ ἄγαν, ὦ σύγγονʼ, αἰτία δʼ ἐγώ.
διὰ πυρὸς ἔμολον ἁ τάλαινα ματρὶ τᾷδʼ,
ἅ μʼ ἔτικτε κούραν.
ἰὼ τύχας, σᾶς τύχας,
μᾶτερ τεκοῦσʼ ἄλαστα,
ἄλαστα μέλεα καὶ πέρα
παθοῦσα σῶν τέκνων ὑπαί.
πατρὸς δʼ ἔτεισας φόνον δικαίως.