Ancient Greek · ~2 min
Episode 9, lines 9.3.1278-9.3.1292
Euripides, Ἑκάβη 9.3.1278-1292
Not analysed yet
μήπω μανείη Τυνδαρὶς τοσόνδε παῖς.
καὐτόν γε τοῦτον, πέλεκυν ἐξάρασʼ ἄνω.
οὗτος σύ, μαίνῃ καὶ κακῶν ἐρᾷς τυχεῖν;
κτεῖνʼ, ὡς ἐν Ἄργει φόνια λουτρά σʼ ἀμμένει.
οὐχ ἕλξετʼ αὐτόν, δμῶες, ἐκποδὼν βίᾳ;
ἀλγεῖς ἀκούων;
οὐκ ἐφέξετε στόμα;
ἐγκλῄετʼ· εἴρηται γάρ.
οὐχ ὅσον τάχος
νήσων ἐρήμων αὐτὸν ἐκβαλεῖτέ που,
ἐπείπερ οὕτω καὶ λίαν θρασυστομεῖ;
Ἑκάβη, σὺ δʼ, ὦ τάλαινα, διπτύχους νεκροὺς
στείχουσα θάπτε· δεσποτῶν δʼ ὑμᾶς χρεὼν
σκηναῖς πελάζειν, Τρῳάδες· καὶ γὰρ πνοὰς
πρὸς οἶκον ἤδη τάσδε πομπίμους ὁρῶ.
εὖ δʼ ἐς πάτραν πλεύσαιμεν, εὖ δὲ τἀν δόμοις
ἔχοντʼ ἴδοιμεν τῶνδʼ ἀφειμένοι πόνων.