Ancient Greek · ~3 min
Choral 2
Euripides, Ἡρακλῆς 2
Not analysed yet
—ὑπώροφα μέλαθρα καὶ
γεραιὰ δέμνιʼ, ἀμφὶ βάκτροις
ἔρεισμα θέμενος, ἐστάλην
ἰηλέμων γόων ἀοι-
δὸς ὥστε πολιὸς ὄρνις,
ἔπεα μόνον καὶ δόκη-
μα νυκτερωπὸν ἐννύχων ὀνείρων,
τρομερὰ μέν, ἀλλʼ ὅμως πρόθυμʼ.
ὦ τέκεα, τέκεα πατρὸς ἀπάτορʼ,
ὦ γεραιὲ σύ τε τάλαινα μᾶ-
τερ, ἃ τὸν Ἀίδα δόμοις
πόσιν ἀναστενάζεις.
—μὴ προκάμητε πόδα βαρύ τε
κῶλον ὥστε πρὸς πετραῖον
λέπας ζυγηφόρον πῶλον
ἀνέντες ὡς βάρος φέρον
τροχηλάτοιο πώλου .
λαβοῦ χερῶν καὶ πέπλων,
ὅτου λέλοιπε ποδὸς ἀμαυρὸν ἴχνος·
γέρων γέροντα παρακόμιζʼ,
ᾧ ξύνοπλα δόρατα νέα νέῳ
τὸ πάρος ἐν ἡλίκων πόνοις
ξυνῆν ποτʼ, εὐκλεεστάτας
—ἴδετε, πατέρος ὡς γορ-
γῶπες αἵδε προσφερεῖς
ὀμμάτων αὐγαί,
τὸ δὲ κακοτυχὲς οὐ λέλοιπεν ἐκ τέκνων
οὐδʼ ἀποίχεται χάρις.
Ἑλλὰς ὦ ξυμμάχους
οἵους οἵους ὀλέσα-
σα τούσδʼ ἀποστερήσῃ.