Στοιχεῖον Σ.

Σοκχώθ (Ex 12, 37). πρῶτος σταθμὸς τῶν υἱῶν Ἰσραὴλ ἐπὶ τῆς ἐρήμου πρὸ τῆς ἐρυθρᾶς θαλάσσης, ἔξελθ’ ὄντων ἀπὸ Αἰγύπτου. Σίν (Ex 16, 1). ἔρημος ἡ μεταξὺ παρατείνουσα τῆς ἐρυθρᾶς θαλάσσης καὶ τῆς ἐρήμου Σινά. ἀπὸ γὰρ Σὶν ἦλθον εἰς Ῥαφιδίν, ἀπὸ δὲ ταύτης »εἰς τὴν ἔρημον Σινά«, παρὰ τὸ Σινὰ ὄρος, ἔνθα Μωϋσῆς τὴν νομοθεσίαν λαμβάνει. τὴν δὲ ἔρημον <Σὶν> τὴν αὐτὴν λέγει Κάδης ἡ παρ’ Ἑβραίοις γραφή, ἀλλ’ οὐχὶ <ἡ> τῶν Ο'.