Volume 17a

Ἔτι καὶ ταῦτα πάντα μοχθηρά. προσσχῶμεν οὖν τοῖς ἐφεξῆς. Ἕκτῃ διαχωρήματα μέλανα, λιπαρά, ἔπαφρα, δυσώδεα. ὕπνωσε, κατενόει μᾶλλον. Ἐν τούτοις τὰ <μὲν> ὕπνωσε, κατενόει μᾶλλον ἐπιεικῆ, τὰ δ' ἄλλα καὶ αὐτὰ μοχθηρά. Ἑβδόμῃ γλῶσσα ἐπίξηρος, <διψώδης,> οὐκ ἐκοιμήθη, παρέκρουσεν, οὖρα λεπτά, οὐκ εὔχροα. ὀγδόῃ διαχωρήματα μέλανα ὀλίγα, συνεστηκότα, ὕπνωσε, κατενόει, διψώδης οὐ λίην. Μέχρι δεῦρο φαίνεται πάντ' αὐτῷ τὰ συμπτώματα σφαλερά. |