Ancient Greek
1 to 6
Joannes Philoponus Phil., De vocabulis quae diversum significatum exhibent secundum differentiam accentus 1-8-6
Not analysed yet
ἥλιον· τὸν ἥλιον αἰτιατικῶς καὶ διὰ τοῦ ι γράφεται, Ἡλεῖον· τὸ ἱερὸν τοῦ ἡλίου προπερισπᾶται καὶ διὰ τῆς ει διφθόγγου γράφεται. ἥλιος· τὸ προσηγορικὸν διὰ τοῦ ι, Ἠλεῖος· τὸ †προσηγορικὸν† διὰ τῆς ει διφθόγγου. Ἡράκλειον· τὸ κύριον προπαροξύνεται, Ἡρακλεῖον· τὸ κτητικὸν προπερισπᾶται. Ἥραιος· τὸ κύριον προπαροξύνεται, Ἡραῖος· ὁ τῆς Ἥρας ναὸς προπερισπᾶται. ἥττων· ὁ χείρων παροξύνεται, ἡττῶν· ὁ νικῶν περισπᾶται. ἡφαίστιον· τὸ ἔργον προπαροξύνεται καὶ διὰ τοῦ ι γράφεται, Ἡφαιστεῖον· τὸ τοῦ Ἡφαίστου ἱερὸν προπερισπᾶται καὶ διὰ τῆς ει διφθόγγου γράφεται.