Ancient Greek · ~1 min
Book 24, lines 24.340-24.348
Nonnus of Panopolis, Διονυσιακά 24.340-348
Not analysed yet
ἄλλος δʼ ἠερόφοιτον ἑὸν βέλος ὑψόσε πέμπων
ἠλιβάτους ἐλέφαντας ὀνειρείῳ βάλεν ἰῷ.
Πορδαλίων δὲ γένεθλα καὶ ἄργια φῦλα λεόντων
καὶ κύνες ἀγρευτῆρες ἐρημονόμου Διονύσου
εἶχον ἀμοιβαίης φυλακῆς ἄγρυπνον ὀπωπήν,
πάννυχον ἐγρήσσοντες ὀρειάδος ἔνδοθεν ὕλης,
μή σφιν ἐπαΐξειε μελαινομένων μόθος Ἰνδῶν·
καὶ δαΐδες στοιχηδὸν ἐπαστράπτεσκον Ὀλύμπῳ,
Βακχιάδος λαμπτῆρες ἀκοιμήτοιο χορείης.