Ancient Greek · ~4 min
Fragment 1
Paeanes (CA), Paean Delphicus i in Apollinem 1
Not analysed yet
Ἆισμα μετὰ κιθάρας (?)ε]ἰς τὸν θεὸν ὃ ἐ[πόησε . . . . .
Ἀθ]ηναῖος
Κέκλυθ' Ἑλικ]ῶνα βαθύδενδρον αἳ λά[χετε Διὸς] ἐ[ρι]βρόμου
θύγατρες εὐώλε[νοι,]
μόλε[τ]ε, συνόμαιμον ἵνα Φοῖβον ᾠδαῖσι μέλψητε χρυσεοκόμαν,
ὃς ἀνὰ δικόρυμβα Παρνασσίδος
τᾶσδε πετέρας ἕδραν' ἅμ' [ἀ]γακλυταῖς Δελφίσιν Κασταλίδος εὐύδρου
νάματ' ἐπινίσεται,
Δελφὸν ἀνὰ [πρ]ῶνα μαντεῖον ἐφέπων πάγον·
[Ἤν,] κλυτὰ μεγαλόπολις Ἀθθὶς εὐχαῖ[ς]ι φερόπλοιο ναί-
ουσα Τριτωνίδος δά[πε]δον ἄθραυστον· ἁγίοις δὲ βω-
μοῖσιν Ἅφαιστος αἴθε[ι] νέων μῆρα ταύ-
ρων· ὁμοῦ δέ νιν Ἄραψ ἀτμὸς ἐς Ὄλυμπον ἀνακίδν[α]ται·
λιγὺ δὲ λωτὸς βρέμων αἰόλοις μ[έ]λεσιν ᾠδὰν κρέκει·
χρυσέα δ' ἁδύθρου[ς] [κί]θαρις ὕμνοισιν ἀναμέλπεται·
ὁ δὲ [τεχνιτ]ῶν πρόπας ἑσμὸς Ἀθθίδα λαχ[ὼν]
[τὸν κιθαρί]σει κλυτὸν παῖδα μεγάλου [Διὸς ὑμ-
-νοῦσί σε πα]ρ' ἀκρονιφῆ τόνδε πάγον,
ἄμ[βροτ' ἀψευδέ' ὃς] πᾶσι θνατοῖς προφαίνει[ς λόγια,
τρ]ίποδα μαντεῖον ὡς ε[ἷλες, ἐχθρὸς ὃν ἐφρ]ούρει δράκων,
ὅτε τ[εοῖσι βέλεσιν ἔτ]ρησας αἰόλον ἑλικτὰν [φυάν,]
[ἔσθ' ὁ θήρ, συχνὰ] συρίγμαθ' ἱεὶς ἀθώπε[υτ', ἀπέπνευσ' ὁμῶς·]
[ὡς] δὲ Γαλατᾶν Ἄρης [. . .
. .] ν ἐπέρασ' ἄσεπτ[ος . . .
. .] ς. Ἀλλ' ἰὼ γένναν [. . .
. .] ι θάλος φιλόμ[αχον ?. .
. .] ε δάμοιο λο[. .
. .] ρων ἐφορ[. . .
. . τεον κ[. . .
. .] εναι κ[. .
. .] θη [. .
. . . . .