Ancient Greek · ~3 min
Chapter 33
Septuaginta, Siracides 33
Not analysed yet
ἐλέησον ἡμᾶς, δέσποτα ὁ θεὸς πάντων, καὶ ἐπίβλεψον, καὶ τὸν φόβον σου ἐπὶ πάντα τὰ ἔθνη τὰ μὴ ἐκζητοῦντά σε· ἔπαρον τὴν χεῖρά σου ἐπ’ ἔθνη ἀλλότρια, καὶ ἰδέτωσαν τὴν δυναστείαν σου· ὥσπερ ἐνώπιον αὐτῶν ἡγιάσθης ἐν ἡμῖν, οὕτως ἐναντίον ἡμῶν μεγαλυνθείης ἐν αὐτοῖς· καὶ ἐπιγνώτωσάν σε καθάπερ καὶ ἡμεῖς σε ἔγνωμεν· ὅτι οὐκ ἔστι θεὸς πλήν σου κύριε· ἐγκαίνισον σημεῖα καὶ ἀλλοίωσον θαυμάσια, δόξασον χεῖρα καὶ βραχίονα δεξιόν, ὅπως διηγῶνται τὰ θαυμάσιά σου· ἔγειρον θυμὸν καὶ ἔκχεε ὀργήν, ἔπαρον ἀντίδικον καὶ ἔκτριψον ἐχθρόν. σπεῦσον καιρὸν καὶ μνήσθητι ὀργῆς, καὶ ἐκδιηγησάσθωσάν σοι τὰ θαυμάσιά σου. ἐν ὀργῇ πυρὸς καταβρωθήτω ὁ σωζόμενος, καὶ οἱ κακοῦντες τὸν λαόν σου εὕροισαν ἀπώλειαν. σύντριψον κεφαλὰς ἀρχόντων ἐθνῶν, λεγόντων· οὐκ ἔστι πλὴν ἡμῶν. συνάγαγε πάσας φυλὰς ᾿Ιακώβ.