Ancient Greek · ~2 min
Episode 7, lines 7.1048-7.1057
Sophocles, Ἠλέκτρα 7.1048-1057
Not analysed yet
φρονεῖν ἔοικας οὐδὲν ὧν ἐγὼ λέγω.
πάλαι δέδοκται ταῦτα κοὐ νεωστί μοι.
ἄπειμι τοίνυν· οὔτε γὰρ σὺ τἄμʼ ἔπη
τολμᾷς ἐπαινεῖν οὔτʼ ἐγὼ τοὺς σοὺς τρόπους.
ἀλλʼ εἴσιθʼ. οὔ σοι μὴ μεθέψομαί ποτε,
οὐδʼ ἢν σφόδρʼ ἱμείρουσα τυγχάνῃς· ἐπεὶ
πολλῆς ἀνοίας καὶ τὸ θηρᾶσθαι κενά.
ἀλλʼ εἰ σεαυτῇ τυγχάνεις δοκοῦσά τι
φρονεῖν, φρόνει τοιαῦθʼ. ὅταν γὰρ ἐν κακοῖς
ἤδη βεβήκῃς, τἄμʼ ἐπαινέσεις ἔπη.