Ancient Greek · ~2 min
Choral 12
Sophocles, Οἰδίπους ἐπὶ Κολωνῷ 12.1-2
Not analysed yet
μέγας, ἴδε, μάλʼ ὅδʼ ἐρείπεται
κτύπος ἄφατος διόβολος· ἐς δʼ ἄκραν
δεῖμʼ ὑπῆλθε κρατὸς φόβαν.
ἔπτηξα θυμόν· οὐρανία γὰρ ἀστραπὴ φλέγει πάλιν.
τί μὰν ἀφήσει τέλος; δέδοικα δʼ· οὐ γὰρ ἅλιον
ἀφορμᾷ ποτʼ, οὐκ ἄνευ ξυμφορᾶς.
ὦ μέγας αἰθήρ, ὦ Ζεῦ.
ὦ παῖδες, ἥκει τῷδʼ ἐπʼ ἀνδρὶ θέσφατος
βίου τελευτὴ κοὐκέτʼ ἔστʼ ἀποστροφή.
πῶς οἶσθα; τῷ δὲ τοῦτο συμβαλὼν ἔχεις;
καλῶς κάτοιδʼ· ἀλλʼ ὡς τάχιστά μοι μολὼν
ἄνακτα χώρας τῆσδέ τις πορευσάτω.