Ancient Greek · ~2 min
Choral 12
Sophocles, Οἰδίπους ἐπὶ Κολωνῷ 12.1
Not analysed yet
νέα τάδε νεόθεν ἦλθέ μοι
κακὰ βαρύποτμὰ παρʼ ἀλαοῦ ξένου,
εἴ τι μοῖρα μὴ κιγχάνει.
μάταν γὰρ οὐδὲν ἀξίωμα δαιμόνων ἔχω φράσαι.
ὁρᾷ ὁρᾷ ταῦτʼ ἀεὶ χρόνος, τρέχων μὲν ἕτερα,
τὰ δὲ παρʼ ἦμαρ αὖθις αὔξων ἄνω.
ἔκτυπεν αἰθήρ, ὦ Ζεῦ.
ὦ τέκνα τέκνα, πῶς ἄν, εἴ τις ἔντοπος,
τὸν πάντʼ ἄριστον δεῦρο Θησέα πόροι;
πάτερ, τί δʼ ἐστὶ τἀξίωμʼ ἐφʼ ᾧ καλεῖς;
Διὸς πτερωτὸς ἥδε μʼ αὐτίκʼ ἄξεται
βροντὴ πρὸς Ἅιδην· ἀλλὰ πέμψαθʼ ὡς τάχος.