1.1383 to 1.1400

1383 Ἁλωνευόμενοϲ· Ἀππιανόϲ· τὸ δὲ λοιπὸν τοῦ θέρουϲ ἀμφότεποι περὶ ϲιτολογίαν ἐγίνοντο, Περϲεὺϲ μὲν ἐν τοῖϲ πεδίοιϲ ἁλωνευόμενοϲ, Ῥωμαῖοι δέ ἐν τῷ ϲτρατοπέδῳ. ὁ δὲ Περϲεὺϲ ἐμπρήϲειν ἐβούλετο διὰ τὰ ἄχυρα. 1384 Ἁλώνητον: τὸ ὑπὸ ἁλῶν ἐωνημένον. ἴϲον τῷ βάρβαρον. καὶ παροιμία· Ἁλώνητον ἀνδράποδον. ποδον. ἐπὶ τῶν οὐδενὸϲ λόγου ἀξίων· παρόϲον οἱ ἔμποροι κομίζοντεϲ εἰϲ τὴν μεϲόγαιαν ἅλαϲ ἀντὶ τούτου οἰκέταϲ ἐλάμβανον. καὶ Ἁλώνητοϲ, ὁμοίωϲ βάρβαροϲ. οἱ γὰρ Θράκεϲ ἀνδράποδα ἁλῶν ἀπεδίδοντο. 1385 Ἁλωνία: ἡ τῆϲ ἄλωνοϲ. καὶ Ἁλωνοτριβῶ, ἐπὶ τῆϲ ἅλωνοϲ διατρίβω. 1386 Ἀλωπεκῆθεν: δῆμόϲ ἐϲτιν ἡ Ἀλωπεκὴ τῆϲ Ἀντιοχίδοϲ. καὶ ὁ δημότηϲ Ἀλωπεκεύϲ. 1387 Ἀλωπεκιανόϲ· καὶ Ἀλωπεκία, ἡ περικεφαλαία. 1388 Ἀλωπεκίζειν: ἐπὶ τῶν ἐξαπατᾶν ἐγχειρούντων. 1389 Ἀλωπεκόννηϲοϲ: πόλιϲ ἐϲτὶ μία τῶν ἐν Χεροννήϲῳ. ὅτι Αἶνοϲ πόλιϲ ἐϲτὶ τῆϲ Θρᾴκηϲ, ἣν Ἕλληνεϲ τὰ πρῶτα Ἀλωπεκοννηϲίοιϲ κατώκιϲαν, ὕϲτερον δὲ ἐκ Μιτυλήνηϲ καὶ Κύμηϲ ἐπηγάγοντο ἐποίκουϲ. 1390 Ἀλώπηξ: ὄνομα κύριον. 1391 Ἀλώπηξ οὐ δωροδοκεῖται: ἐπὶ τῶν οὐ ῥᾳδίωϲ δώροιϲ πειθομένων. Κρατῖνοϲ Nόμοιϲ· ὑμῶν εἷϲ μὲν ἕκαϲτοϲ ἀλώπηξ δωροδοκεῖται. 1392 Ἀλώπηξ τὸν βοῦν ἐλαύνει· τάττεται ἡ παροιμία ἐπὶ τῶν μὴ κατὰ λόγον ἀποβαινόντων. κερδοῖ ϲυνών τε κερδοϲύνην μὲν προϲδόκα. 1393 Ἀλωπόχρουϲ: ὁ πολιόϲ. 1394 Ἁλωρῆται: οἱ τὰϲ ἃλωϲ φυλάϲϲοντεϲ. 1395 Ἄλλωϲ: μάτην, ἢ μάλιϲτα, ἢ κατ᾿ ἄλλον τρόπον. εἴρηται δὲ καὶ Τηνάλλωϲ μετὰ τοῦ ἄρθρου, καὶ Ἄλλωϲ τε. οὐδὲ ὤλιϲθον ἄλλωϲ αἱ εὐχαί καὶ αἱ κατὰ τοῦ θεῷ ἐχθροῦ ἀραί. 1396 Ἄλλωϲ: ματαίωϲ. ἐπόνουν δὲ ἄλλωϲ. 1397 Ἄλωϲ· τῆϲ ἅλω κλίνεται Ἀττικῶϲ. 1398 Ἄλλωϲ· οἰόμενοϲ τοῦτο οὐ δύνατον, εἴτε ἄλλωϲ, εἴτε καὶ δυνατὸν φανείη, ϲυμφέρον αὐτῷ γενέϲθαι. ἀντὶ τοῦ κατὰ ἄλλον τρόπον, ἢ μάτην, ἢ μάλιϲτα. καὶ αὖθιϲ· ὑπὲρ δὴ τούτων τί φατὲ οἱ τὴν πρόνοιαν ἀλᾶϲθαι ἄλλωϲ, καὶ μῦθον εἶναι λέγοντεϲ, καὶ αὖθιϲ· τὰ δὲ ἄλλα τοῖϲ φιλοϲόφοιϲ ἐπήρκουν καὶ τοῖϲ δεομένοιϲ ἄλλωϲ δι᾿ ἐπιείκειαν καὶ ἐλευθέραν προαίρεϲιν. 1399 Ἄλλωϲ ᾄδειϲ: ἐπὶ τῶν μάτην πονούντων. 1400 Ἄλλωϲ ἀναλίϲκειϲ ὕδωρ. ἐπὶ τῶν μάτην ἐν λόγοιϲ πονούντων. μετήνεκται δὲ ἀπὸ τῶν ἐν τοῖϲ δικαϲτηρίοιϲ πρὸϲ ὕδωρ λεγόντων.