Book 1, Chapter A

2733 Ἀντιτυπῆϲαι: ἀντιπαθῆϲαι. καὶ Ἀντιτυπία, ἐναντίωϲιϲ, ϲκληρότηϲ. λαμβάνεται δὲ καὶ ἐπὶ ὁμοιότητοϲ. ἐν Ἐπιγράμμαϲι καὶ λίθον ἀντιτύπῳ κρούματι πυρϲοτόκον. καὶ Ἀντίτυ π ον· πάϲηϲ αἰϲθήϲεωϲ περὶ ἕν τι γένοϲ ἐχούϲηϲ ἡ ἀφὴ οὐκ ἔχει περὶ ἓν κοινὸν γένοϲ τῶν ἁπτῶν, φηϲὶν Ἀριϲτοτέληϲ. ὅτι καὶ αὐτὴ καταγίνεται περὶ ἕν τι γένοϲ τῶν ἁπτῶν· ἀλλ’ οὐκ ἔϲτιν εὔδηλον τὸ ἓν γένοϲ τὸ τῇ ἁφῇ ὑποκείμενον· διὰ δὲ τούτου ἐϲήμανεν, ὅτι ἐϲτὶ μὲν, οὐ φανεροῖ δέ. τί οὖν τοῦτό ἐϲτι; λέγομεν ὅτι τὸ ἀντίτυπον. ἀντίτυπον δὲ λέγω οὐ τὸ ἀντικείμενον τῷ μαλακῷ καὶ μὴ ὑπεῖκον τῇ ἁφῇ, ἀλλὰ πᾶν φυϲικὸν ϲῶμα τὸ προϲπίπτον καὶ θιγγάνον τῆϲ ἁρῆϲ πρὸϲ ἀντιδιαϲτολὴν τῶν μαθηματικῶν ϲωμάτων, ἃ οὐ θιγγάνει οὐδὲ ἀντιβαίνει τῆ ἁφῇ. τὸ οὖν ὁπωϲοῦν ἀντιβαῖνον τῇ ἁφῇ τοῦτό φαμεν ἀντίτυπον, καὶ κοινὸν εἶναι γένοϲ τῶν ἁπτῶν. καὶ Ἀν τιτύ πουϲ ἀνθρ ώ πουϲ, ϲκληροὺϲ καὶ ἀνενδότουϲ. μεταφορικῶϲ ἀπὸ τοῦ ἄκμονοϲ καὶ τῆϲ ϲφύραϲ. καὶ τύποϲ ἀντίτυποϲ. φηϲὶν ὁ χρηϲμόϲ.