1.4105 to 1.4111

4105 Ἀρχίβιοϲ, Ἀπολλωνίου, γραμματικόϲ. τῶν Καλλιμάχου ἐπιγραμμάτων ἐξήγηϲιν. 4106 Ἀρχίβιοϲ, Πτολεμαίου, Λευκάδιοϲ ἢ Ἀλεξανδρεὺϲ, γραμματικὸϲ τῶν ἕωϲ Τραϊανοῦ τοῦ Καίϲαροϲ ἐν Ῥώμῃ παιδευϲάντων. 4107 Ἀρχιγένηϲ, Φιλίππου, Ἀπαμεὺϲ Συρίαϲ, ἰατρὸϲ, μαθητὴϲ Ἀγαθίνου, ἐπὶ Τραϊανοῦ ἰατρεύϲαϲ ἐν Ῥώμῃ, βιοὺϲ ἔτη ξγ΄ καὶ ϲυγγράψαϲ πολλὰ ἰατρικά τε καὶ φυϲικά. 4108 Ἀρχιδάμιοϲ πόλεμοϲ: τοῦ Πελοποννηϲιακοῦ πολέμου τὰ πρῶτα ἔτη Ἀρχιδάμιοϲ ἐκλήθη πόλεμοϲ, ἀπὸ τοῦ Ἀρχίδαμον εἰϲ τὴν Ἀττικὴν ἐμβαλεῖν. 4109 Ἀρχίδιον: ὑποκοριϲτικῶϲ ἡ ἀρχή. Ἀριϲτοφάνηϲ· κἂν λαχόντεϲ ἀρχίδιον, εἶτα βούληϲθ᾿ ἁρπάϲαι τι. 4110 Ἀρχιειρεϲία: κωπηλαϲία. 4111 Ἀρχίκλοποϲ: ὁ ἀρχαῖοϲ κλέπτηϲ.